Polsha-Belarýs shekarasynda Eýroodaqtan shyqpaq bolǵan júk kólikteri uzyn-sonar kezekte tur, dep habarlaidy QazAqparat tilshisi VVS agenttigine silteme jasap.
Agenttiktiń málimetinshe, reseilik jáne belarýs júk tasymaldaýshylary EO-dan santsiialar merzimi aiaqtalǵansha shyǵyp ketýge tyrysýda.
Eýroodaq dári-dármek, poshta nemese munai ónimderin tasymaldaityndardy qospaǵanda, Resei men Belarýsten keletin júk kólikterine Eýroodaq aýmaǵyna kirýge nemese sonda qalýǵa tyiym saldy.
Kólikterdiń kezegi 80 shaqyrymǵa deiin sozylǵan.
Aita keteiik, eki shekara beketindegi júk kólikteriniń sany 230-dan 400-ge deiin jetedi.
Belarýs Kólik ministrligi Eýroodaqqa múshe elderde tirkelgen kólikterge qatysty olarǵa qarsy sharalar qabyldady.
«2022 jylǵy 16 sáýirde saǵat 00:00-den bastap Eýropalyq Odaq aýmaǵynda tirkelgen avtokólikterdi (jáne tirkep súireitin kólikterdi) Eýraziialyq ekonomikalyq odaqtyń kedendik shekarasy arqyly Belarýske ótkizýge tyiym salynady», - dep habarlaidy Belarýs Kólik ministrliginiń saity.
Olardyń júk operatsiialaryn jáne qaita aǵytýdy júzege asyrý úshin belgili bir ótkizý pýnktileri arqyly arnaiy belgilengen oryndarǵa júrýine bul talap qoldanylmaidy.
