1992 jyly Qazaqstan Respýblikasy Joǵary Sovetimen «Qazaqstan Respýblikasy ishki ister organdary» týraly Zańy qabyldandy. Bul Qazaqstan politsiiasynyń isteri men qyzmetin anyqtaityn birinshi aktisi bolyp sanalatyn. 2007 jyly Memleket basshysynyń jarlyǵy boiynsha 23 maýsym politsiia kúni dep resmi túrde bekitildi.
QR ishki ister ministrligi «Qazaqstan politsiiasy kúnin» atap ótti, dep habarlady QR IIM baspasóz qyzmeti.
Is-shara Qyzmettik boryshyn óteý kezinde qaza bolǵan ishki ister organdary qyzmetkerleri men ishki ásker áskeri qyzmetshilerine arnalǵan monýmentke gúl shoqtaryn qoiyp, eske alýmen bastaldy.
Is-sharada qyzmette erekshelengen politseiler marapattalyp, erlikpen qaza tapqan batyrlarymyzdyń ata-analaryna, týystaryna qurmet kórsetildi.
Mereke kontserttik baǵdarlamamen óz jalǵasyn tapty.
«27 jyl buryn Qazaqstan Respýblikasynyń Joǵarǵy keńesi «Ishki ister organdary týraly» Zań qabyldady. Bul táýelsiz memleketimizdiń tarihyndaǵy politsiia qyzmeti úshin quqyqtyq alań qalyptastyrǵan, ishki ister organdarynyń mindetteri men qyzmetterin aiqyndaǵan birinshi akti boldy. Ishki ister organdary óziniń qalyptasý jolyndaǵy aýyrtpalyqqa toly joldy eńsere otyryp, quqyqtyq tártipti qamtamasyz etý jáne qylmyspen kúrestegi birqatar kúrdeli máselelerdi sheshe aldy. Jyldan jylǵa politsiianyń jańa sulbasy qalyptasyp keledi. Biz jańa standarttarǵa boi túzei otyryp, ishki ister organdaryn uiymdastyrýdy sapaly jańa deńgeige birtindep kóterip kelemiz», - dedi ishki ister ministri Erlan Turǵymbaev.
