Almatyda politsiia qyzmetkeri men bala serýendetip júrgen er adam jaǵa jyrtysty, dep habarlaidy "Ult aqparat".
Bul oqiǵanyń videosy áleýmettik jelide taraǵan bolatyn.
Oqiǵa Medeý aýdanyndaǵy Qaiyrbekov pen Gogol kósheleriniń qiylysynda bolǵan.
Almatyq Politsiia departamentiniń habarlaýynsha, qalanyń ishin jaiaý aralap júrgen patrýl qyzmetkerleri aýlada júrgen eki adamdy kórgen.
Olar politsiia qyzmetkeriniń eskertýine qulaq aspai kerisinshe dórekilik tanytqan.
«Olardyń biri ýchaskeldik inspektorǵa qarsylyq kórsetip áskeri kiimin jyrtqan. Onyń is áreketine bailanysty QR QK 379-babymen sotqa deiingi tergeý isin tirkedi. Bul adamdardyń biri buryn QR QK 189-babymen qylmystyq jaýapkershilikke tartylǵan. Ekinshisi QR ÁqbK 476-babymen ákimshilik jaýapkershilikke tartylǵan», - dedi politsiia departamentinen.
Keiin eki adamnyń biri keshirim surady.
«12 sáýirde Medeý aýdanynda karantin rejimin buzyp, ashýǵa boi aldyryp, politsiia qyzmetkerimen janjaldasyp qaldym. Men qoǵamnan jáne politsiia qyzmetkerlerinen keshirim suraimyn. Úide otyrǵannan júike juqaryp ketti», - dedi ol.
