Almaty politsiiasyna "Respýblika alańy 13" meken jaiyndaǵy ǵimaratta jarylǵysh zat qoiylǵany týraly habarlama túsken, dep habarlaidy QazAqparat tilshisi.
Bul ǵimaratta kóptegen jekemenshik ofister, KTK jáne NTK, Eýraziia birinshi arnasy telearnalarynyń, birshama gazetterdiń redaktsiiasy ornalasqan.
Qalalyq politsiia departamentiniń resmi ókili Saltanat Ázirbektiń aitýynsha, qazir oqiǵa ornynda shuǵyl áreket etý organdary jumys istep jatyr.
«Jańalyqtar redaktsiiasyna túski 12:00 shamasynda belgisiz bireý habarlasyp, ǵimaratqa jarylǵysh zat qoiylǵany týraly aitqan. Qazir oqiǵa ornynda opeartivti qyzmet ókilderi birqatar keshendi ister atqaryp jatyr. Onyń ishinde adamdar qaýipsiz jerge kóshirilip, ǵimarat tekserilip jatyr», - dedi Saltanat Ázirbek.
Telearna ókilderiniń aitýynsha, qazir ǵimarattaǵy 100-dei adam syrtta júr. Izdestirý sharalary jalǵasýda.
