Banktiń burynǵy qyzmetkeri týraly aqparat bergen qazaqstandyqqa 10 million teńge (26 myń dollarǵa jýyq) tabystaldy. Qaýipsizdik maqsatynda millionerdiń aty-jóni jariialanǵan joq.
Kaspi bank-tiń burynǵy qyzmetkeri 21 shilde, jeksenbi kúni ustaldy. Alaiaqty banktiń qaýipsizdik qyzmeti men Pavlodar oblysynyń politsiia departamenti birlese qolǵa túsirdi.
"Kúdiktiniń meken-jaiyn anyqtaýǵa kómek kórsetken turǵynǵa Kaspi 10 million teńge kólemindegi syiaqy berdi. Qaýipsizdikti saqtaý úshin millionerdiń aty-jóni jariialanbaidy", - dep habarlady qarjy mekemesiniń baspasóz qyzmeti.
11-12 shildede Pavlodardaǵy politsiia basqarmasynyń ortalyq bólimine alaiaqtyq faktisi boiynsha 28 adam ótinish bildirgen.
Aldyn ala málimetke sáikes, banktiń burynǵy qyzmetkeri kepilde turǵan múlikti arzanǵa satyp alýǵa kómektesemin dep, zardap shegýshilerdi óz shotyna qarjy aýdarýǵa kóndirgen. Keiin izin sýytty.
Kaspi bank bankpen barlyq qarjy operatsiiasy kelisimshartpen bekitiletinin atap ótti. Mekeme esh ýaqytta aqshany jeke adamnyń shotyna aýdarýdy talap etpeidi.
