Foto: Videodan skrin
Shymkentte politsiia qyzmetkerlerinen qashýǵa tyrysqan áskerge shaqyrylýshy jigittiń videosy áleýmettik jelide tarady, dep habarlaidy Ult.kz Otyrar portalyna silteme jasap.
Oqiǵa 2 mamyr kúni Chapaevka aýdanynda bolǵan. Politsiia men jergilikti atqarýshy organdar azamattardy áskeri esepke qoiý boiynsha josparly jumystar júrgizgen. Alaida jigit jaǵdaidy durys túsinbei, qorqyp qashýǵa árekettengen. Qashý kezinde ol súrinip qulap, keiin ustalǵan.
Jigittiń aitýynsha, ol politsiia qyzmetkerlerin kórgende abdyrap qalǵan.
“Qorqyp qashyp kettim. Keiin meni áskeri komissariatqa apardy. Qazir áskerge óz erkimmen baramyn”, – dedi ol.
Vedomstvo málimetinshe, túsindirý jumystarynan keiin shaqyrylýshy óz erkimen jinaqtaý pýnktine baryp, meditsinalyq tekserýden ótken. Qorytyndy boiynsha ol áskeri qyzmetke jaramdy dep tanylǵan.
Sondai-aq jigit quqyq qorǵaý organdary qyzmetkerlerine qatysty eshqandai shaǵymy joq ekenin jetkizdi. Buǵan deiin oǵan áskerge shaqyrý qaǵazy jiberilgeni de belgili boldy.
