فوتو: ۆيدەودان سكرين
شىمكەنتتە پوليتسييا قىزمەتكەرلەرٸنەن قاشۋعا تىرىسقان ەسكەرگە شاقىرىلۋشى جٸگٸتتٸڭ ۆيدەوسى ەلەۋمەتتٸك جەلٸدە تارادى, دەپ حابارلايدى Ult.kz Otyrar پورتالىنا سٸلتەمە جاساپ.
وقيعا 2 مامىر كٷنٸ چاپاەۆكا اۋدانىندا بولعان. پوليتسييا مەن جەرگٸلٸكتٸ اتقارۋشى ورگاندار ازاماتتاردى ەسكەري ەسەپكە قويۋ بويىنشا جوسپارلى جۇمىستار جٷرگٸزگەن. الايدا جٸگٸت جاعدايدى دۇرىس تٷسٸنبەي, قورقىپ قاشۋعا ەرەكەتتەنگەن. قاشۋ كەزٸندە ول سٷرٸنٸپ قۇلاپ, كەيٸن ۇستالعان.
جٸگٸتتٸڭ ايتۋىنشا, ول پوليتسييا قىزمەتكەرلەرٸن كٶرگەندە ابدىراپ قالعان.
“قورقىپ قاشىپ كەتتٸم. كەيٸن مەنٸ ەسكەري كوميسسارياتقا اپاردى. قازٸر ەسكەرگە ٶز ەركٸممەن بارامىن”, – دەدٸ ول.
ۆەدومستۆو مەلٸمەتٸنشە, تٷسٸندٸرۋ جۇمىستارىنان كەيٸن شاقىرىلۋشى ٶز ەركٸمەن جيناقتاۋ پۋنكتٸنە بارىپ, مەديتسينالىق تەكسەرۋدەن ٶتكەن. قورىتىندى بويىنشا ول ەسكەري قىزمەتكە جارامدى دەپ تانىلعان.
سونداي-اق جٸگٸت قۇقىق قورعاۋ ورگاندارى قىزمەتكەرلەرٸنە قاتىستى ەشقانداي شاعىمى جوق ەكەنٸن جەتكٸزدٸ. بۇعان دەيٸن وعان ەسكەرگە شاقىرۋ قاعازى جٸبەرٸلگەنٸ دە بەلگٸلٸ بولدى.
