Almaty qalasynyń politsiia departamenti jýrnalist Shoqan Alhabaevtyń mitingide dene jaraqatyn alý faktisi boiynsha qyzmettik tekserý bastalǵanyn habarlaidy.
«Almaty qalasynyń Politsiia departamenti ózinen jaýapkershilikti alyp tastamaidy jáne atalǵan fakt boiynsha obektivti tekserý júrgizýge kepildik beredi. Sonymen birge jappai tártipsizdik pen sanktsiialanbaǵan miting týraly habar taratqan kezde BAQ ókilderiniń qaýipsizdik erejeleriniń bar ekenine nazar aýdarý kerek. Bul qaǵidalar jýrnalisterdiń ózderiniń qaýipsizdigine baǵyttalǵan. Mundai qarbalas kezde onyń qujattaryn suramai, media ókili ekenin bildiretindei syrt kiiminde belgiler bolý kerek. Bul týraly IIM basshylyǵy birneshe ret aitty. Atalǵan jaǵdaida Shoqan Alhabaev belgi bildiretin keýdeshe kimegen», - delingen habarlamada.
Sonymen qatar, vedomstvo taratqan habarlamada miting kezinde politsiia ókilderiniń is-áreketiniń qandai bolý kerek ekeni atap ótilgen.
«Taǵy aita ketetin jait, qoǵamdyq tártipti buzǵandardyń arasynda arandatýshylar kóp. Olardyń qylmystyq áreketteri basqa azamattardyń ómiri men densaýlyǵyna jáne qoǵamdyq qaýipsizdikke qaýip tóndiredi. Sondyqtan tártipsizdikti basý kezinde ishki ister organdarynyń bastapqy qatardaǵy mindetteri – qylmysqa baǵyttalǵan tulǵalardyń áreketin beitaraptandyrý jáne beibit turǵyndardyń qaýipsizdigin qamtamasyz etý», - delingen Almaty qalasy politsiia departamentiniń resmi habarlamasynda.
Aita keteiik, seisenbige qaraǵan túni Almatyda Tóle bi kóshesi boiynda politsiia jasaǵy men Ulttyq ulan kúshi ondaǵan adamdy ustap jatqan jerde habar taratyp júrgen Tengrinews.kz saitynyń tilshisi Shoqan Alqabaevqa politsiianyń kúsh qoldanǵany týraly aqparat taraǵan.
