Mańǵystaý oblysynyń politsiia departamenti Aqtaýda úsh balasyn óltirdi degen kúdikke ilingen er adamnyń "Jýsan" baǵdarlamasymen Siriiadan kelgeni týraly aqparatty joqqa shyǵardy, - dep habarlaidy "Ult aqparat".
"Biyl naýryz aiynda balalaryn óltirgen Aqtaý turǵyny qazaqstandyqtardy Siriiadan qaitarý jónindegi "Jýsan" baǵdarlamasynyń qatysýshysy bolǵandyǵy jáne esepte turǵandyǵy týraly ýchaskelik politsiia inspektorynyń túsiniktemesi qaitadan tekserildi.
Bul aqparat shyndyqqa sáikes kelmeitini anyqtaldy. Sondyqtan qyzmetkermen aldaǵy ýaqytta mundai jaǵdaiǵa jol bermeý týraly profilaktikalyq áńgime júrgizildi", - delingen habarlamada.
Aita keteiik, naýryz aiynda Aqtaý qalasynyń 27 shaǵyn aýdanyndaǵy úidiń páterinen 2011, 2014 jáne 2016 jyly týǵan balalardyń máiitteri tabyldy. Olardy óltirdi degen kúdikpen 36 jastaǵy ákesi ustaldy. QR Qylmystyq kodeksiniń 99-baby 2-bóligi (Adam óltirý) boiynsha sotqa deiingi tergeý júrip jatyr.
