«Shymbulaq» direktory Rinat Ábdirahmanov Instagram-daǵy paraqshasynda taý shańǵy kýrorty aýmaǵynda tóbeles bolǵany týraly jazdy. Bul oqiǵaǵa qatysty Almaty politsiiasy túsinikteme berdi dep habarlaidy "Ult aqparat".
«Er adam dóreki túrde kabinaǵa basqa qonaqtyń kirýine ruqsat bermedi. Qyzmetker qonaqty kabinaǵa otyrǵyzýǵa tyrysqanda, er adam esikti jaýyp qana qoimai, ony uryp jiberdi», - dep jazdy «Shymbulaq» taý shańǵysy kýrortynyń direktory Rinat Ábdirahmanov.
Almaty qalalyq politsiia departamentiniń málimetinshe, «Shymbulaq» qyzmetkeriniń aryzy 12 tamyz kúni tústi.
«Bul fakt QR Qylmystyq kodeksiniń 293-baby, 1-bóligi boiynsha sotqa deiingi tergeýdiń biryńǵai tiziliminde tirkeldi. Kúdikti men istiń basqa da mán-jailary anyqtalyp jatyr. Atalǵan derek boiynsha QR zańnamasyna sáikes shara qoldanylady», - dedi Almaty qalalyq Politsiia departamentiniń bastyǵy Qanat Taimerdenov.
