Foto: Polisia.kz
Politsiia “Plus capital” qarjy piramidasynan zardap shekkenderdi izdestirip jatyr, – dep habarlaidy Polisia.kz saity IIM-niń aptalyq brifingine silteme jasap.
IIM Tergeý departamenti “PlusCapital” JShS qyzmetkerlerine jáne basqa adamdarǵa qatysty qarjy piramidasy men alaiaqtyqty uiymdastyrý faktisi boiynsha sotqa deiingi tergeý júrgizip jatyr.
Mańǵystaý oblysynda “Plus capital” qarjy piramidasyn uiymdastyrǵan qylmystyq top azamattardyń aqshalai qarajatyn, jyljymaly jáne jyljymaityn múlkin zańsyz iemdengen.
"Keltirilgen zalal somasy 3,6 mlrd teńgeni qurady. 600-den astam qazaqstandyq jábirlenýshi dep tanyldy.
Bul iske qatysty oblys turǵyny men notariýs ustaldy. Sot úkimimen olar 12 jylǵa bas bostandyǵynan aiyryldy. Qarjy piramidasynyń uiymdastyrýshysyna halyqaralyq izdeý jariialandy. Politsiia onyń ornalasqan jerin anyqtaý jáne ustaý boiynsha jedel-izdestirý is-sharalaryn júrgizedi" - delingen habarlamada.
Qazirgi ýaqytta IIM Tergeý departamenti osy qylmysqa qatysy bar basqa da adamdardy qylmystyq jaýapkershilikke tartpaq.
"Osyǵan bailanysty “Plus capital” qarjy piramidasynyń zańsyz qyzmetinen zardap shekken azamattarǵa Mańǵystaý oblysyndaǵy IIM jedel-tergeý tobynyń ornalasqan jerin habarlaimyz: Aqtaý qalasy, 3 b shaǵyn aýdany, 13 ǵimarat, politsiia departamentiniń tergeý basqarmasy.
Bailanys telefondary: 8-7292-47-42-92, 47-42- 82, 8-705-709-62-35, 8-775-210-99-97" - delingen aqparatta.
