Túrkistan oblysynyń politseileri kámelet jasqa tolmaǵan qyzǵa qatysty azǵyndyq áreket jasaǵan degen kúdikpen jergilikti turǵyndy ustady, dep habarlaidy "Ult aqparat" oblystyq PD baspasóz qyzmetine silteme jasap.
«15 qańtarda Sairam aýdandyq politsiia basqarmasynyń Jergilikti politsiia qyzmeti Iývenaldy politsiia tobynyń mektep inspektoryna jergilikti turǵyn aryzdanǵan. Shaǵymda belgisiz tulǵa onyń qyzyna qatysty azǵyndyq áreketin jasaǵanyn kórsetken. Politsiia qyzmetkeri oqýshynyń ata-anasymen baryp kúdiktini anyqtap ustap, aýdandyq politsiia basqarmasyna jetkizdi», - delingen habarlamada.
Tártip saqshylary shaǵymdy QR QK-niń 124-baby boiynsha sotqa deiingi biryńǵai tergeý tizilimine tirkedi.
Qazir kúdikti qamaýda otyr. Tergeý amaldary júrgizilýde. Sondai-aq arnaiy saraptamalar taǵaiyndalǵan.
