Túlkibas aýdany politsiiasynyń basshysy Daniiar Meiirhan ýaqytsha qyzmetinen bosatyldy. Bul týraly Túrkistan oblysynyń politsiia departamentiniń baspasóz qyzmeti málimdedi. Buǵan deiin ol alaiaqtyq jasady degen kúdikpen ustalyp, keiin kepilmen bosatylǵan bolatyn, - dep habarlaidy Tengrinews.kz.
"Daniiar Meiirhan tergeý barysynda qyzmetinen shettetildi. Oǵan qatysty isti Shymkent qalalyq politsiia basqarmasy júrgizip jatyr", - dep túsindirdi oblystyq politsiia departamenti.
Shymkent qalasy tergeý sotynyń málimetinshe, Daniiar Meiirhan asa iri kólemde alaiaqtyq jasady degen kúdikke ilindi (QR QK 190-baby, 4-bóligi, 2-tarmaǵy). Buǵan deiin ol 40 million teńge somasynda kepilge bosatylǵany belgili boldy.
"Biz 43 million 225 myń teńge turatyn avtokólikti kepilge qoidyq. Kepil zatty Meiirhannyń dostary berdi. Sot kepilge kez kelgen múlikti, iaǵni jyljymaly jáne jyljymaityn qabyldaidy. Biz quny 43 million 225 myń teńge bolatyn avtokólik qoidyq", - dep naqtylady Daniiar Meiirhannyń advokattarynyń biri Áliia Jamanbaeva. Onyń aitýynsha, qazir ol úide.
