تٷلكٸباس اۋدانى پوليتسيياسىنىڭ باسشىسى دانييار مەيٸرحان ۋاقىتشا قىزمەتٸنەن بوساتىلدى. بۇل تۋرالى تٷركٸستان وبلىسىنىڭ پوليتسييا دەپارتامەنتٸنٸڭ باسپاسٶز قىزمەتٸ مەلٸمدەدٸ. بۇعان دەيٸن ول الاياقتىق جاسادى دەگەن كٷدٸكپەن ۇستالىپ, كەيٸن كەپٸلمەن بوساتىلعان بولاتىن, - دەپ حابارلايدى Tengrinews.kz.
"دانييار مەيٸرحان تەرگەۋ بارىسىندا قىزمەتٸنەن شەتتەتٸلدٸ. وعان قاتىستى ٸستٸ شىمكەنت قالالىق پوليتسييا باسقارماسى جٷرگٸزٸپ جاتىر", - دەپ تٷسٸندٸردٸ وبلىستىق پوليتسييا دەپارتامەنتٸ.
شىمكەنت قالاسى تەرگەۋ سوتىنىڭ مەلٸمەتٸنشە, دانييار مەيٸرحان اسا ٸرٸ كٶلەمدە الاياقتىق جاسادى دەگەن كٷدٸككە ٸلٸندٸ (قر قك 190-بابى, 4-بٶلٸگٸ, 2-تارماعى). بۇعان دەيٸن ول 40 ميلليون تەڭگە سوماسىندا كەپٸلگە بوساتىلعانى بەلگٸلٸ بولدى.
"بٸز 43 ميلليون 225 مىڭ تەڭگە تۇراتىن اۆتوكٶلٸكتٸ كەپٸلگە قويدىق. كەپٸل زاتتى مەيٸرحاننىڭ دوستارى بەردٸ. سوت كەپٸلگە كەز كەلگەن مٷلٸكتٸ, ياعني جىلجىمالى جەنە جىلجىمايتىن قابىلدايدى. بٸز قۇنى 43 ميلليون 225 مىڭ تەڭگە بولاتىن اۆتوكٶلٸك قويدىق", - دەپ ناقتىلادى دانييار مەيٸرحاننىڭ ادۆوكاتتارىنىڭ بٸرٸ ەلييا جامانباەۆا. ونىڭ ايتۋىنشا, قازٸر ول ٷيدە.
