Ishki ister ministriniń orynbasary Aleksei Kalaichidi Qordaidaǵy oqiǵa kezindegi provokatorlardyń anyqtalǵanyn málim etti, dep habarlaidy QazAqparat.
«Biz provakatorlardy anyqtadyq. Eń jamany, olar videony jaǵymsyz pikirmen taratqan. Osydan baryp jastar arandatýshylardyń sózine erip, istiń anyq-qanyǵyn bilip jatpai, tóbeleske aralasyp ketken», - dedi Aleksei Kalaichidi OKQ-da ótken baspasóz máslihatynan keiin tilshilerge.
Onyń aitýynsha, sol túni oqiǵa ornynda bolǵandardyń bárinen jaýap alynady. Sonymen qatar videofaktilerdiń bazasy jasalady. Osydan keiin sol jerde bolǵan ár adamnyń oqiǵa kezindegi róli anyqtalmaq.
«Sodan keiin árbir adamnyń naqty sol jerge kelýine ne sebep bolǵanyn aityp bere alamyz», - dedi ol.
