Taldyqorǵanda politsiia formasyn kiip, jarnamalyq sipattaǵy rolikke túskeni úshin akterge eki bap boiynsha hattama toltyryldy, dep habarlaidy Sputnik Qazaqstan.
Videoda politsiia qyzmetkeri dúkenge sanitarlyq normalardyń saqtalýyn tekserý úshin kelip, kóligi bolmasa da, eki shina alyp shyǵady.
Akterdyń advokaty Esimbol Mamyrqanov: "Jarnamalyq maqsatta túsirilgen bul beinerolik dúkenge qandai paida ákelgeni belgisiz. Biraq akterge politsiia formasyn kigeni jáne jala japqany úshin aiyppul salynatyn boldy" dep málimdedi.
"Qazirgi kezde hattama sotqa jiberildi. Bul fakti úshin oǵan 13 890 teńge jáne politsiia formasyn kigeni úshin 444 480 teńge aiyppul salynady nemese 15 táýlikke qamalady", – dedi ol jelidegi jazbasynda.
Advokat Mamyrqanovtyń pikirinshe, beinejazbada jala jabý týraly áńgime bolýy múmkin emes. Óitkeni, akter forma kiip qoǵamǵa qaýipti áreket jasaýǵa árekettengen joq nemese ony bopsalaý, aldaý, qorqytý siiaqty teris maqsatta paidalanbaǵan.
