Ýkraina biligi Kievtiń ortalyǵyndaǵy AQSh elshiligi aýmaǵynda áldebir qurylǵy jarylǵanyn, odan eshkim zardap shekpegenin habarlady. Ýkraina politsiiasynyń málimetinshe, jarylys Shevchenkovskii aýdanynda ornalasqan elshilik aýmaǵynda 8 maýsymǵa qaraǵan túni bolǵan.
"Tergeýshiler belgisiz adam diplomatiialyq missiia territoriiasyna jarylǵysh qurylǵy laqtyrǵanyn anyqtady" delingen politsiia taratqan málimdemede. Qazir bul oqiǵaǵa bailanysty "terroristik akt" baby boiynsha is qozǵalyp, qylmyskerdi anyqtaýdyń jedel sharalary jasalyp jatyr.
Kievtegi AQSh elshiligi bul oqiǵaǵa qatysty ázirge kommentarii bermedi.
