Jelide tanymal qazaqstandyq ánshi Tóreǵali Tóreáliniń qaryndasy Fariza Tóreáliniń úilený toiynan videolar paida boldy. Politsiia uiymdastyrýshylardy anyqtady, - dep habarlaidy Tengrinews.kz.
Fariza Tóreáli byltyr sportshy Darhan Nortaevtyń úilený týraly usynysyn qabyldaǵan bolatyn. Osy jyldyń mamyrynda musylmansha neke qiiý rásimi ótti. Keiin toi karantinge bailanysty keiinge qalǵany habarlanǵan.
Qyzdyń Instagram-daǵy paraqshasynda jariialaǵan video, sýretterine qaraǵanda jup karantinnyń túpkilikti álsireýin kútpei, toi jasaǵan syńaily.
Beinejazbalarǵa Almaty politsiia departamentiniń baspasóz qyzmeti ókili túsinik berdi.
"Keshe Almaly aýdanynyń jergilikti politsiia qyzmetkerleri uiymdastyrýshylardy anyqtady. Barlyq material jinalyp, sheshim qabyldaý úshin Taýarlar men qyzmetterdiń sapasyn baqylaý departamentiniń saninspektorlaryna tapsyryldy. Iýrisdiktsiiaǵa sáikes olar hattama toltyrýǵa quqyly", - dedi Almaty politsiia departamentiniń resmi ókili Saltanat Ázirbek.
Eske salaiyq, sońǵy táýlikte Qazaqstanda koronavirýsqa uqsas pnevmoniia men koronavirýstan 26 adam qaitys boldy.
