Elordalyq politsiia qyzmetkerleri daýys zoraitqysh quraldar arqyly turǵyndarǵa karantindik saqtyq sharalary týraly eskertedi, dep habarlaidy "ULt aqparat" qalalyq Politsiia departamentine silteme jasap.
Elimizdegi tótenshe jaǵdai men qaladaǵy karantinge bailanysty
Ishki ister organdarynyń qyzmetkerleri 20-21 maýsym kúnderi airyqsha rejimde qyzmet etedi. Qoǵamdyq tártip pen strategiialyq nysandardy qorǵaýdy kúsheitip, politsiia jasaqtarynyń sany kóbeitildi.
Sonymen birge, kóshelerdi patrýldeý jumystary úzdiksiz jalǵasýda. Politsiia kólikteri daýys zoraitqyshtarymen jabdyqtalǵan jáne halyq arasynda túsindirý jumystary júrýde.
Patrýldeý marshrýty barlyq aýmaqty qamtityndai etip qurylǵan. Politseiler barlyq turǵyn úi oramdaryna jáne halyq kóp jinalatyn oryndarǵa barady.
Qazaq jáne orys tilderinde qaitalanatyn aýdiojazbalarda tómendegidei aqparat aitylady:
Qurmetti elorda turǵyndary! Nur-Sultan qalasy aýmaǵynda koronavirýstyq infektsiia karantinine bailanysty barlyq turǵyndar kelesi shekteý sharalaryn saqtaýy kerek:
• Asa qajettilik bolmasa turǵyn úiden shyqpańyz.
• Adamdar kóp jinalatyn oryndarǵa – bankterge, dárihanalarǵa, dúken men meditsinalyq mekemelerge barǵanda, qoǵamdyq kólikke mingende betperde kiińiz.
• Túshkirý nemese jótelý kezinde muryn men aýyzdy bir rettik súlgimen jabyńyz.
• Qoldy sabynmen jýyńyz nemese spirttik antiseptik jaǵyńyz.
• Qoǵamdyq oryndarda eń kemi 1,5-2 metr qashyqtyqty saqtańyz.
• Qol almasyp amandaspańyz.
