Almaty oblystyq Politsiia departamenti bastyǵynyń birinshi orynbasary Erjan Orazbekov otyrǵan kólikke oq atqan kúdikti ustaldy. 34 jastaǵy er adamdy politseiler 6 kúnnen keiin ǵana qolǵa túsirdi, dep habarlaidy "Ult aqparat".
«2 shilde kúni jedel-izdestirý jumystary barysynda kólikke oq atqan 34 jastaǵy J esimdi kúdikti ustaldy. Qazir onyń kóligi aiyp turaǵyna qoiylyp, ózi ýaqytsha ustaý izoliatoryna qamaldy. Ózge aqparattar zańǵa sáikes tergeý qupiialyǵyna bailanysty jariialanbaidy»,- delingen Almaty oblystyq Politsiia departamentiniń baspasóz qyzmeti taratqan habarlamada.
Esterińizge sala keteiik, 26 maýsym kúni Almaty oblystyq Politsiia departamenti bastyǵynyń birinshi orynbasary otyrǵan kólikke oq atyldy. Oqiǵa Almaty-Taldyqorǵan jolyndaǵy Arqarly asýynyń mańynda bolǵan.
