Túrkistan qalalyq mádeniet úiinde ishki ister basqarmasynyń bastyǵy, politsiia polkovnigi E.Qydyrbaevtyń 2018 jyldyń 10 aiynda atqarǵan jumystarynyń esebi tyńdaldy. Jiynǵa Túrkistan qalasynyń ákimi Á.Óserbaev, Túrkistan oblysy politsiia departamentiniń bastyǵy, politsiia polkovnigi Q.Dálbekov, qalanyń aqsaqaldar alqasy, ardagerler keńesi, ziialy qaýym ókilderi men qala turǵyndary qatysty. Baiandamashy ishki ister basqarmasynyń 10 aiy kóleminde qoǵamdyq tártip pen qoǵamdyq qaýipsizdikti qamtamasyz etý jáne qylmysqa qarsy kúres baǵytynda atqarǵan jumystaryna toqtaldy.
- Jalpy esep berý kezeńinde qylmystyq quqyq buzýshylyqtardyń deńgeii ótken jyldyń osy kezeńimen salystyrǵanda 2027-den 1821-ge nemese 10,2 paiyzǵa, onyń ishinde kriminaldyq politsiiaǵa qarasty baǵyttaǵy qylmystyq quqyq buzýshylyqtardyń da deńgeii ótken jyly 1858 oryn alsa, biyl 1637-ge iaǵni 11,8 paiyzǵa tómendedi. Qala kóleminde oryn alǵan barlyq qylmystardyń jalpy sany byltyrǵy 149 faktiden biylǵa 139-ǵa tómendese, olardyń ashylý deńgeii ótken jyldyń 10 aiyndaǵy 76,9 paiyzdan 78,1 paiyzǵa, onyń ishinde asa aýyr qylmystardyń ashylýy byltyr 100,0 paiyzdy qurasa, aýyr qylmystardyń ashylý deńgeii ótken jyly 73,2 paiyzdan biylǵy 76,2 paiyzdy qurap otyr, - deidi ishki ister basqarmasynyń bastyǵy, politsiia polkovnigi E.Qydyrbaev.
Qazaqstan Respýblikasy Ishki ister ministrliginiń bótenniń múlkin urlaý qylmystaryna qarsy kúres týraly 2018-2020 jyldarǵa arnalǵan baǵdarlamasy aiasynda basqarmanyń kriminaldyq politsiia jáne jergilikti politsiia qyzmetiniń salalyq qyzmetkerleri qalta, mal, páter, akkýmýliator, transformator, dúkendi tonaý urlyqtaryna basqarma basshylyǵynyń buiryǵymen ózara birlesken toptar qurylyp, birqatar jumystar júrgizilgen. Atalǵan toptardyń atqarǵan jumystarynyń nátijesinde Túrkistan qalasy kóleminde urlyq jasap júrgen 14 top ustalyp, zań turǵysynda tiisti sheshimder qabyldanǵan.
Sonymen qatar, jergilikti politsiia qyzmetiniń jumysy boiynsha qala kóleminde qoǵamdyq tártip pen qoǵamdyq qaýipsizdikti qamtamasyz etýde jol-patrýldik politsiia qyzmetkerleri nátijeli jumys atqarǵan. Elbasynyń quqyq qorǵaý qyzmetkerleri kez kelgen quqyq buzýshylyqtarǵa «Nóldik tózimdilik» ustanymyn qoldaný jaily qoiǵan tapsyrmalaryn oryndaý barysynda jergilikti politsiia qyzmetiniń salalyq qyzmetkerleri kópshilik aldynda oryndardy lastaǵan, belgilenbegen oryndarda temeki tartqan, spirttik ishimdik ishken, usaq buzaqylyqtar jasaǵan jáne basqa da quqyq buzýshylyqtarǵa jol bergen 1310 azamat anyqtalyp, olarǵa QR Ákimshilik quqyq buzýshylyq týraly kodeksiniń talaptaryna sáikes shara qoldanylǵan.
Al, kóshi-qon salasy boiynsha 2018 jyldyń 10 aiynda qalamyzǵa kelgen 42255 shetel azamaty (2017 jyly 45367 azamat) kóshi-qon qyzmeti bólimine ýaqytsha tirkeýge alynǵan. Qazaqstan aýmaǵynda júrip-turý erejelerin buzǵan 473 shetel azamaty anyqtalyp, olarǵa QR Ákimshilik quqyq buzýshylyq týraly kodeksiniń talaptaryna sáikes shara kórilip, jalpy 2966719 (eki million toǵyz júz alpys alty myń jeti júz on toǵyz) teńge aiyppul óndirilgenin jetkizdi.
Jinalysta jaryssózge ishki ister salasynyń ardageri B.Naqypov, oblystyq aqsaqaldar alqasynyń tóraǵasy J.Áziretbergenov Túrkistan qalalyq ishki ister basqarmasynyń bastyǵy, politsiia polkovnigi E.Qydyrbaevtyń 2018 jyldyń 10 aiynda atqarǵan jumysyna toqtalyp, qanaǵattanatyndyqtaryn bildirdi.
Jiynda qala ákimi Á.Óserbaev qalada qoǵamdyq qaýipsizdikti saqtaýda ishki ister salasy qyzmetkerleri ýaqytpen sanaspai jumys atqaratynyn, aldaǵy ýaqytta oblys ortalyǵy retinde politsiia qyzmetkerlerine jumysty shiratý kerektigine toqtaldy. Sonymen qatar, Túrkistan oblysy politsiia departamentiniń bastyǵy, politsiia polkovnigi Q.Dálbekov oblys kóleminde atqarylǵan jumystardy keńinen baiandap, jinalysty qorytyndylady.
Qýanysh TASYBAEV,
«Túrkistan».
