Nur-Sultan qalasy politsiia departamenti kólik ielerine aýa raiynyń qolaisyzdyǵyna bailanysty jolda asa muqiiat bolý kerektigin eskertti, dep habarlaidy QazAqparat.
«Qar tolassyz jaýǵandyqtan arnaiy tehnika elorda kóshelerin tazalaý úshin táýliktik rejimen jumys istep jatyr. Júrgizýshilerdi kóligin jol boiynda qańtarmaýǵa shaqyramyz. Bul qar kúreý jumystary men qoǵamdyq kóliktiń qozǵalysyna kedergi keltiredi.
Jol júrý erejelerin qatań saqtap, jyldamdyq pen jáne qaýipsiz qashyqtyq rejimin saqtańyz», - dep jazady departamenttiń baspasóz qyzmeti.
Politsiia turǵyndarǵa qaladan alystap shyqpaýǵa keńes berip otyr.
«Qala ishinde de dittegen jerge baratyn marshrýtty aldyn ala josparlap, qozǵalys jolaǵyn kenet aýystyrmaý, aiaq astynan tejegish baspaý mańyzdy. Boran men kóktaiǵaq kezinde qozǵalys táýekeli artady.
Jaiaý júrginshilerge de óte muqiiat bolý kerek. Joldan ótken kezde gadjetterge úńilmei, qulaqqapty alyp, ainalaǵa nazar salý qajet. Sondai-aq qyzmet kórsetetin kompaniialar ókilderine turǵyn úi keshenderiniń aýlasyn qardan tazalaý jumystaryn ýaqtyly uiymdastyrý qajet ekenin eskertemiz», - delingen departamenttiń málimetinde.
