Pavlodar oblysynyń politseileri 35 jastaǵy áiel men onyń eki balasyn óltirdi degen kúdiktiniń videosyn jariialady, - dep habarlaidy Tengrinews.kz tilshisi Aibat aqparat qyzmetine silteme jasap.
Eske salaiyq, 12 shildede Aqsýdaǵy páterden pyshaqtalǵan áiel men onyń bes jáne jeti jasar eki balasynyń máiiti tabyldy. Olar tabylǵanǵa deiin páterde shamamen bir jarym kún jatqan.
Sol kúni politseiler kúdiktini ustady, er adam 20 jylǵa deiin bas bostandyǵynan aiyrylýy múmkin.
Politsiia málimetinshe, kúdikti áielmen tanys bolǵan. 11 shildege qaraǵan túni olar janjaldasyp qalǵan. 36 jastaǵy er adam aldymen áieldi pyshaqtaǵan, sodan keiin shýdan oianǵan balalardy óltirgen.
Marqumnyń kórshileri áiel týraly aityp berdi. Áieldiń aty - Zýhra. 35 jastaǵy áiel eki qyzymen jalǵyz turǵan: 7 jastaǵy Gýldana jáne 5 jasar Raiana. Aqsý saýda úileriniń birinde azyq-túlik bóliminde satýshy bolyp jumys isteidi.
