Foto: Polisia.kz
Ishki ister ministrligi politseiler arasynda para alý faktileriniń kúrt azaiǵynan málimdedi, dep habarlaidy Sputnik Qazaqstan.
Kadr saiasaty departamenti bastyǵynyń orynbasary Shyńǵys Alekeshevtiń aitýynsha, búginde ishki ister organdarynda adaldyqqa tekseris júrgizilip otyrady. Ony "Integrity check" dep ataidy.
"Másele mynada, kóshede kezdesken kez kelgen adam tekserýshi bolýy múmkin. Politsei ony bilmeidi. Eger tártip saqshysy etikany saqtamasa, ia bolmasa, para berý faktisi týraly basshylyqqa habar bermegen jaǵdaida tekseristen ótpegen bolyp sanalady. Sonyń bári jeke isinde tirkeledi. Artynan yntalandyrý jáne qyzmet babymen kóterý kezinde eskeriledi. Dál osy bastama qysqa ýaqyttyń ishinde kúshti nátije berdi. Politseilerdiń para berý faktisi týraly raport berý kórsetkishi bes ese ósti", - dedi Alekeshev búgingi onlain brifingte.
Onyń sózine qaraǵanda, búginde shen berý sharalary da avtomattandyrylǵan. Máselen, bir politseidiń shen alý merzimi jaqyndasa, buiryqtar avtomatty túrde ázirlenedi. Oǵan eshkim aralasa almaidy. Basshysyna usynys jasaýdyń da qajeti joq.
Budan bólek, politseilerdiń beinetirkeý quraldaryna jazylatyn barlyq material tikelei basqarý ortalyǵyna túsedi. Videony óshirýge shekteý qoiylǵan. Al arnaiy qosymsha politseidiń júrgen jerin jasyrýǵa nemese óshirip tastaýǵa múmkindik bermeidi. Bunyń barlyǵy politseilerdi ǵana emes, halyqty da tártip saqtaýǵa yqpal etedi.
