Almaty politsiiasynyń qyzmetkerleri qalada túkirgen jáne qoqys tastaǵan megapolis turǵyndarynyń beinejazbalar jiyntyǵyn jasady.
Ishki ister ministrliginiń Polisia.kz aqparattyq media-portalynda operatorlar adam kóp jinalatyn oryndarda, sondai-aq turǵyn úilerdiń aýlalarynda jáne halyq az qonystanǵan oryndarda ornatylǵan kameralardy táýlik boiy qadaǵalap otyratynyn habarlandy.
"Kóptegen josyqsyz azamattar dál osyny kútedi: olardyń trotýarǵa temeki tuqylyn laqtyrǵanyn eshkim baiqamaityn siiaqty, alaida is júzinde zań buzýshylyqtar úshin beinetirkeý júiesi olardy jaýapkershilikke tartýǵa múmkindik beredi", - deidi Almaty politsiia departamenti jergilikti politsiia qyzmeti basqarmasynyń basshysy Serik Shýmaev.
Aita keteiik, QR ÁQBtK-niń 434-babyna sáikes, usaq buzaqylyq, atap aitqanda, qoǵamdyq oryndarda ádepsiz sózder aitý, jeke tulǵalardy qorlaý jáne basqalardy syilamaýshylyqty bildiretin, qoǵamdyq tártip pen adamdardyń tynyshtyǵyn buzatyn osyǵan uqsas áreketter: 20 AEK (55, 3 myń teńge) kóleminde aiyppul; nemese bes táýlikten 15 táýlikke deiingi merzimge ákimshilik qamaýǵa alý kózdelgen.
