Semei qalasynyń turǵyny tártip saqshysyna 6 myń teńge para bermek bolǵan, dep habarlaidy "Ult aqparat".
«VAZ-2108» markaly avtokólik júrgizýshisi Qarjaýbaiuly jáne Michýrin kósheleriniń qiylysynda manevr jasaý qaǵidalaryn buzǵan. Muny baiqaǵan politsei ony toqtatyp, ákimshilik hattama toltyrmaq bolady.
«36 jastaǵy er adam patrýl kóliginiń ishinde politsiia qyzmetkerine para usynǵan. Tártip saqshysy oǵan laýazymdy tulǵaǵa para bergeni úshin qylmystyq jaýapkershilikke tartylatynyn eskertedi. Alaida ol buǵan qulaq aspai, aldyńǵy oń jaq oryndyqtyń astyna 6 myń teńge tastaǵan», - dep habarlady ShQO politsiia departamentiniń baspasóz qyzmeti.
Búginde júrgizýshige qatysty QR Qylmystyq Kodeksiniń 367-baby boiynsha is qozǵalǵan.
