سەمەي قالاسىنىڭ تۇرعىنى تەرتٸپ ساقشىسىنا 6 مىڭ تەڭگە پارا بەرمەك بولعان, دەپ حابارلايدى "ۇلت اقپارات".
«ۆاز-2108» ماركالى اۆتوكٶلٸك جٷرگٸزۋشٸسٸ قارجاۋبايۇلى جەنە ميچۋرين كٶشەلەرٸنٸڭ قيىلىسىندا مانەۆر جاساۋ قاعيدالارىن بۇزعان. مۇنى بايقاعان پوليتسەي ونى توقتاتىپ, ەكٸمشٸلٸك حاتتاما تولتىرماق بولادى.
«36 جاستاعى ەر ادام پاترۋل كٶلٸگٸنٸڭ ٸشٸندە پوليتسييا قىزمەتكەرٸنە پارا ۇسىنعان. تەرتٸپ ساقشىسى وعان لاۋازىمدى تۇلعاعا پارا بەرگەنٸ ٷشٸن قىلمىستىق جاۋاپكەرشٸلٸككە تارتىلاتىنىن ەسكەرتەدٸ. الايدا ول بۇعان قۇلاق اسپاي, الدىڭعى وڭ جاق ورىندىقتىڭ استىنا 6 مىڭ تەڭگە تاستاعان», - دەپ حابارلادى شقو پوليتسييا دەپارتامەنتٸنٸڭ باسپاسٶز قىزمەتٸ.
بٷگٸندە جٷرگٸزۋشٸگە قاتىستى قر قىلمىستىق كودەكسٸنٸڭ 367-بابى بويىنشا ٸس قوزعالعان.
