© Sputnik / Irina Semibratova
Tilderdi meńgerý deńgeii boiynsha Qazaqstandaǵy ministrler reitingi anyqtaldy, dep habarlaidy Sputnik Qazaqstan.
Ranking.kz málimetinshe, biyl poliglottar kóshin ǵylym jáne joǵary bilim ministri Nurbek Saiasat bastap tur. Ministr jeti tildi – qazaq, orys, aǵylshyn, italian, túrik, japon jáne latyn tilderin meńgergen.
Ekinshi orynda bes tilde sóilei alatyn syrtqy ister ministri Muhtar Tileýberdi men ulttyq ekonomika ministri Álibek Qýantyrov tur.
Úzdik úshtikti eldegi aqparat jáne qoǵamdyq damý ministri Darhan Qydyráli, tsifrlyq damý, innovatsiialar jáne aeroǵarysh ónerkásibi ministri Baǵdat Mýsin jáne eńbek jáne halyqty áleýmettik qorǵaý ministri Tamara Dúisenova tuiyqtap tur. Bul ministrlerdiń árqaisysy tórt tildi jetik meńgergen.
Al, Memlekettik tildi bilmeitinder qatarynda tótenshe jaǵdailar ministri Iýrii Ilin bar.
Qazaqstandaǵy 19 ministrdiń 12-si aǵylshyn tilin biledi. Jalpy, Qazaqstan Respýblikasynda bul tildi meńgerý deńgeii óte tómen. Osylaisha, EF EPI 2021 reitinginde Qazaqstan tizimniń aiaq jaǵyna jaiǵasty: álemdegi 112 eldiń ishinde 96-shy orynda tur. Qazaqstan aǵylshyn tilin óte tómen deńgeide meńgergen elder qataryna jatqyzyldy. Indeks 426-ny qurady.
TMD elderi arasynda aǵylshyn tilin ortasha deńgeide meńgergen elder qatarynda Moldova, Belarýs, Ýkraina* jáne Resei, al osy tildi meńgerý deńgeii tómen elder qatarynda Armeniia men Ázerbaijan bar.
Basqa TMD elderi aǵylshyn tilin meńgerýdiń óte tómen deńgeiin kórsetti, olardyń ishinde Ózbekstan Qazaqstannan bir saty joǵary, al Qyrǵyzstan men Tájikstan bizdiń elden keiin tur.
Bul reitingte Eýropa elderi – Niderlandy, Avstriia jáne Daniia kósh bastap tur. Eń sońǵy orynda Iemen ornalasty.
* TMD-da birqatar sebepke bailanysty Ýkraina mártebesi daýly sipatta tur.
