Almaty oblysy Kegen aýdanynda politsiia qyzmetkeriniń máiiti tabyldy. Oqiǵaǵa qatysty onyń jubaiy men uly kúdikke ilinip, ustaldy, dep habarlaidy ult.kz.
Áleýmettik jelilerde quqyq qorǵaý organynyń qyzmetkeri óltirilip, denesi órtelmek bolǵany týraly aqparat taraǵan. Oblystyq politsiia departamenti bul derekti rastady.
Vedomstvonyń málimetinshe, 23 maýsym kúni taýly aimaqtan máiit tabylǵany jóninde habarlama túsken. Oqiǵa ornyna jedel-tergeý toby jiberilip, marqumnyń jeke basy anyqtaldy. Onyń politsiia qyzmetkeri ekeni rastalǵan.
Jedel-izdestirý sharalary barysynda marqumnyń jubaiy men uly kúdikti retinde ustalyp, ýaqytsha ustaý izoliatoryna qamalǵan.
Qazirgi ýaqytta qylmystyq is qozǵalyp, oqiǵanyń barlyq mán-jaiyn anyqtaýǵa baǵyttalǵan keshendi tergeý amaldary júrgizilip jatyr. Tergeý múddesine bailanysty ózge aqparat jariia etilmeidi.
