Kólik politseileri qyzmettik-izdestirý itteriniń kómegimen jyl basynan beri 78 esirtki quqyq buzýshylyǵyn anyqtap, zańsyz ainalymnan 160 keliden astam esirtki tárkiledi, dep habarlaidy ult.kz.
Polisia.kz málimetinshe, qazirgi tańda Kóliktegi politsiia departamentiniń kinologiialyq qyzmet ortalyǵynda 31 izdestirý iti bar. Kinologtar esirtki qylmysyna qarsy is-qimyl bólimshelerimen birlesip, temirjol vokzaldary, jolaýshylar poiyzdary, áýejailar, porttar men poshta jóneltilimderin tekseredi.
Anyqtalǵan 78 quqyq buzýshylyqtyń 63-i temirjol vokzaldarynda, 11-i jolaýshylar poiyzdarynda, ekeýi áýejailar men «Quryq» portynyń aýmaǵynda tirkelgen.
Máselen, maýsym aiynda «Qarasora–2026» is-sharasy kezinde Túrksib stantsiiasy mańynan qyzmettik ittiń kómegimen 103 keliden astam marihýana tabylyp, tárkilendi. Osylaisha esirtki jetkizýdiń iri arnasyna tosqaýyl qoiyldy.
Jyl basynan beri qyzmettik itter jedel is-sharalarǵa 3335 ret tartylǵan. Kinologtar olardyń esirtki, qarý-jaraq, jarylǵysh jáne ózge de tyiym salynǵan zattardy anyqtaý daǵdylaryn turaqty túrde jetildirip keledi.
