Qazaqstan toqtaýsyz damyp kele jatqan saýsaqpen sanarlyq elderdiń biri. Bul týraly QR Parlamenti Májilisiniń depýtaty Artýr Platonov pavlodarlyq jastarmen kezdesýinde aitty, dep habarlaidy Baq.kz aqparat agenttigi.
QR Parlamenti Májilisiniń depýtattary Qýanysh Sultanov pen Artýr Platonov Pavlodarǵa sapary aiasynda S. Toraiǵyrov atyndaǵy jergilikti memlekettik ýniversitetinde jastar jáne oqytýshylyq-professorlyq qurammen kezdesti.
Kezdesý barysynda depýtattar Memleket basshysy N.Á.Nazarabevtyń «Bes áleýmettik bastamasyn» qyzý talqylady. Halyq qalaýlylarynyń paiymdaýynsha, bul bastamalar ulttyq ekonomikanyń kóptegen salalaryn damytyp, naqty nátije beredi.
Halyq qalaýlysy Artýr Platonov kezdesýde Qazaqstannyń roli men tarihy damýdyń óz úlgisin jasaýǵa quqyq beretinin tilge titek etti.
Onyń aitýynsha, bizdiń memlekette beibitshilik pen kelisimge negizdelgen damýdyń kópjyldyq durys strategiiasy jasalǵan. Bul – irgetasy myqty strategiia.
«Biz álemdik qarjylyq daǵdarystyń salqyny tigenine qaramastan toqtaýsyz damyp, óndiris baǵdarlamasyn qysqartpaityn saýsaqpen sanarlyq elderdiń qataryndamyz. Biz jaldamaly turǵyn úi baǵdarlamasyn júzege asyrýdamyz, al «7-20-25» jańa baǵdarlamasy halyqty turǵyn úimen qamtýǵa baǵyttalǵan. Áleýmettik ádildik qaǵidatynyń mańyzdylyǵy ekonomikalyq múmkindikterden kem emes. Salyqtyq júktemeni azaitý – áleýmettik ádildik baǵytyndaǵy úderis. Bul bastamalarda adamdardy qyzyqtyratyn basty tetikter ekonomikalyq turǵydan negizdelgen jáne jobalardy júzege asyrýǵa jaǵdailar jasalǵan. Ekonomikalyq jáne rýhani damý – kez kelgen jaǵdaiǵa qaramastan damýdyń ozyq úlgisi», - deidi A. Platonov.
Jumys sapary sheńberinde depýtattar Stýdentter úiinde bolyp, PMÝ stýdentteriniń startap-jobalarymen tanysty.
