Plastikti tutynbaý, eko-bastamalardy qoldaý, plastikalyq qaldyqtarmen kúres boiynsha halyqaralyq tájiribeni zertteý. Elimizdegi jańa aýqymdy eko-joba osyndai maqsattardy kózdeidi. Bul týraly Ortalyq kommýnikatsiialar qyzmetinde ótken saraptamalyq brifingte «Jasyl Arystan» JQ basqarma tóraiymy Gúlnar Erejepova habarlady.
Qazirdiń ózinde halyqaralyq uiymdarmen «plastikalyq indettiń» aldyn alý úshin memlekettik deńgeide sharalar júiesin engizý qajet ekendigin túsindirý úshin dialog ornatyldy. Sondai-aq, eko-rolikter ázirlep, túrli media alańdarda transliatsiialaý josparlanyp otyr. Sondai-aq, qoqysty qarapaiym suryptaý boiynsha sheberlik synyptary uiymdastyrylady.
«Qazaqstan halqy arasynda ideialar usyný boiynsha 2 ailyq Hakaton ótkizý de josparda bar. Eń úzdik eko-bastamalar beiindik uiymdardyń qoldaýyn tabady jáne ony múddeli tulǵalar, metsenattar iske asyrady dep oilaimyz. Bul elimizde shaǵyn jáne orta kásipkerlikti jáne eko-indýstriiany odan ári damytýǵa áser etedi. Osylaisha, jobany ekige bólýge bolady: aǵartýshylyq jáne infraqurylymdyq», - dep atap ótti Qor basshysy.
