Planshet oqýlyqty almastyrmaidy, ol qosymsha qural bolady, dep habarlady Oqý-aǵartý ministrliginiń baspasóz qyzmeti.
Elektrondy planshetter oqýshylardyń oqýyna qosymsha múmkindikter berip, sonymen qatar mektep riýkzaktarynyń salmaǵyna qatysty máseleni sheshýge kómektespek.
"Buǵan deiin ata-analar oqýshylardyń tsifrly bilim berý resýrstaryna, elektrondy kúndelikterge, bilim berý platformalaryna, ásirese aýyldyq jerlerdegi oqýshylardyń teń qoljetimdiligi jáne riýkzaktardyń aýyrlyǵyna bailanysty balalardyń denesine túsetin júkteme máselesin kótergen bolatyn.
Balalarǵa elektrondy kúndelikter, oqýlyqtar men tsifrly bilim berý resýrstary ornatylatyn planshettermen qatar burynǵydai basyp shyǵarylǵan oqýlyqtar da beriledi" - delingen habarlamada.
Osylaisha, balalar tsifrly sabaqtarǵa, jattyǵýlarǵa jáne tapsyrmalarǵa qosymsha qol jetkize alady. Sonymen qatar mektepte baspa oqýlyqtaryn qoldanýǵa, keiin olardy sol jerde qaldyrýǵa jáne úi tapsyrmalaryn oryndap, qosymsha bilim alý úshin elektrondy qurylǵylardy qoldanýǵa múmkindik alady. Eger oqýshy planshetti paidalanǵysy kelmese, onda onyń bas tartýyna jáne tek dástúrli oqýlyqtardy paidalanýyna quqy bar.
«Planshetterdiń kómegimen balalar tsifrly sabaqtarǵa, jattyǵýlar men tapsyrmalarǵa qosymsha qol jetkize alady. Interneti nashar óńirler úshin júktelgen tsifrly sabaqtardy, tapsyrmalardy, bilim berý resýrstary jáne oqýlyqtardy oflain paidalaný múmkindigi bolady. TsDIAÓM-men birlesip oqýshylardy elektrondy qurylǵylarmen qamtamasyz etýdi josparlap otyrmyz. Eger qandai da bir sebeptermen bala planshetterdi qoldanǵysy kelmese, onda ol ádettegidei dástúrli oqýlyqtardy jáne statsionarlyq qurylǵylardan bilim berý resýrstaryna qol jetkize alady. Iaǵni planshetter oqýlyqtardy almastyrmaidy, bul - oqýdyń qosymsha resýrsy. Tańdaý ata-analar men oqýshylardyń enshisinde bolady», - dep aitty Oqý-aǵartý vitse-ministri Aibat Iliiasov.
