Jańa Qazaqstanda «Túrli kózqarastar, biraq birtutas ult» pikirin ustanýymyz kerek Bul týraly Memleket basshysy Qasym-Jomart Toqaev Qazaqstan halqyna Joldaýynda aitty, dep habarlaidy QazAqparat.
«Qazirgi ýaqytta planetada joiqyn geosaiasi daýyl bastaldy. Sondyqtan biz egemendikti jáne memlekettiń aýmaqtyq tutastyǵyn qorǵaýǵa, halqymyzdyń túpki múddelerin qamtamasyz etýge baǵyttalǵan strategiialyq baǵytty ustanýymyz kerek. Mine, eń mańyzdy mindet osy. Biz ózimizdiń basty igiligimiz – Táýelsizdigimizdi saqtaýǵa, ulttyq biregeilik negizderin nyǵaitýǵa, elimizdi transformatsiialaýǵa jumylýymyz kerek. Bul bizdiń bolashaq urpaq aldyndaǵy qasietti paryzymyz», - Prezident.
Óz sózinde Memleket basshysy qazir saiasi tosqaýyldardy kóteretin, ár sebep boiynsha mitingiler uiymdastyryp, kúmándi sheshimderdi talap etip, úzildi-kesildi talaptar qoiatyn, óz mindetterin oryndaityn politsiia qyzmetkerlerine bas salatyn kez emestigin aitty.
«Qańtardaǵy qaiǵyly oqiǵalar bizdiń elimizdiń bedeline aitarlyqtai nuqsan keltirdi. Muny moiyndaý kerek. Retsiz saiasi reformalar memlekettiń álsireýine, onyń egemendigi men tutastyǵy úshin aýyr zardaptarǵa ákelýi múmkin. Buǵan álem tarihyndaǵy burynnan kele jatqan jáne jaqynda bolǵan kóptegen mysaldar bar: kei elder óz territoriiasynyń úlken bóligin joǵaltty, haos pen anarhiianyń iirimine batty. Jańa Qazaqstandy qurý baǵyty eldiń damý paradigmasyn ózgertýge baǵyttalǵan. Biz ár qadamdy oilastyryp, belgilengen jolmen nyq júremiz. Jańa Qazaqstanda «Túrli kózqarastar, biraq birtutas ult» pikirin ustanýymyz kerek», - dedi Toqaev.
