Phenian Vashingtonǵa eki el basshylarynyń sammitinde Korei túbegin iadrolyq qarýsyz aimaqqa ainaldyrý keleshegin resmi talqylaý týraly alǵash ret usynys jasady. Bul týraly Reuters agenttigi AQSh prezidenti ákimshiliginiń aty-jónin atamaǵan ókiline silteme jasap habarlady.
Onyń sózinshe, taiaýda ótken qupiia áńgimede Soltústik Koreia jaǵy joǵary deńgeide kezdesý ótkizýge múddeli ekenin rastaǵan. AQSh sońǵy ýaqytqa deiin Soltústik Koreiaǵa qatysty josparynda negizinen Seýl beretin málimetke ǵana súienetin. AQSh jáne Soltústik Koreia ókilderi áńgimesiniń bir bóligi Soltústik Koreianyń BUU-daǵy diplomatiialyq missiiasynda, bir bóligi barlaý qyzmeti ornatqan arnalar arqyly júrgizilgen.
AQSh sammit mamyr aiynda ótýi múmkin ekenin jariialaǵan. Soltústik Koreia ázirge buǵan qatysty resmi aqparat taratpady. Kezdesýdiń qai jerde ótetini týraly aqparat ta ázirge belgisiz.
Soltústik Koreia buǵan deiin de eger AQSh Ońtústik Koreiadan áskerin áketip, Ońtústik Koreia men Japoniiaǵa iadrolyq qalqan bolýyn doǵarsa, óziniń iadrolyq qarý jáne zymyran jasaý baǵdarlamalarynan bas tartý jaiyn qarastyrýǵa daiyn ekenin bildirgen.
