KHDR qurlyqaralyq ballistikalyq zymyrandy sátti synaǵan. Bul týraly jeksenbide Korei ortalyq televiziiasy málim etti, dep habarlaidy reseilik TASS agenttigi.
«Korei eńbek partiiasynyń (KEP) strategiialyq iadrolyq qarýdy ázirleý týraly ókimine sáikes bizdiń atom salasynyń qyzmetkerleri elimizdiń soltústiginde qurlyqaralyq oqtumsyqqa arnalǵan sýtegi bombasyn sátti synady», - delingen habarlamada.
KHDR-dyń kezekti, altynshy iadrolyq synaǵynan keiin, Qytaidyń seismologiialyq ortalyǵy terbelisi 6,3 jáne 4,6 bolatyn eki jer dúmpýin tirkedi. Qytai mamandary ony «qoldan jasalǵan jarylys» dep baǵalady.
Korei ortalyq televiziiasynyń málimetinshe, soltústikkoreialyq bomba qurastyrýshylardyń josparyna sáikes durys iske qosylǵan.
