Soltústik Koreia Tynyq muhitynyń batysynda japoniialyq esminetstermen birge áskeri jattyǵý ótkizýge daiyndalyp jatqan amerikalyq avia tasymaldaýshy kemeni sýǵa batyryp jiberetinin málimdep, doq kórsetti.
Málimdeme is basyndaǵy "Jumysshy" pahtiiasynyń "Rodong Sinmýn" basylymynda jariialanǵan pikirinde jasaldy. "Bizdiń revoliýtsiialyq kúshterimiz AQSh avia-tasymaldaǵyshyn bir ǵana soqqymen sýǵa batyrý úshin áskeri daiyndyq jaǵdaiynda tur" delingen pikirde.
AQSh prezidenti Donald Tramp Soltústik Koreianyń ballistikalyq zymyran men iadrolyq synaqtaryn jasaýyna bailanysty Phenianmen shielenisi kúsheigen tusta Korei túbegi jaǵalaýyna jaqyn mańǵa "Karl Vinson" avia-tasymaldaǵyshyn jiberýge pármen bergen. Buǵan qoldaý retinde Japoniia da aimaqqa eki esminetsin jibergen.
Phenian men Vashington arasyndaǵy qarym-qatynas shielenisken mezgilde Soltústik Koreiada osy elden shyqqan AQSh azamatynyń ustalǵany týraly habar tarady. Qazir Soltústik Koreiada AQSh-tyń kem degende eki azamaty ustalǵan.
