«Nur Otan» partiiasynyń hatshysy Marat Sembekov praimeriz qorytyndysyn jariialady, dep habarlaidy "Ult aqparat".
«Nazarlaryńyzǵa Partiialyq baqylaý komitetiniń jumys qorytyndylaryn usynamyz. Praimerizge kandidattardy tirkeý bastalǵannan beri 30-dan astam aryz-shaǵym qaralǵan. Praimerizge qatysýdan barlyǵy 34 kandidat alynyp tastaldy, onyń ishinde 27-si pikirsaiysqa qatyspaǵany úshin shyǵaryldy. Shaǵymdar men tártip buzýdyń kóbi Nur-Sultan jáne Almaty qalalarynda, Aqmola, Jambyl, Qaraǵandy jáne Túrkistan oblystarynda tirkelgen. Sonymen, G.Alihanqyzynyń shaǵymy boiynsha partiia atyna kir keltiretin is-áreketteri úshin J.Zekeiuly kandidat retinde tirkeýden alyndy. «Aziia Tsentr Snab JShS» BPU jańa múshelerin partiiaǵa dáieksiz málimettermen qabyldaǵany úshin kandidattar Ý.Alieva men D.Perneevanyń tirkelýi joqqa shyǵaryldy. Onlain daýys berý barysynda partiia músheleriniń mobildi telefon nómirlerin jalǵan engizgeni úshin M.Bolysbek jáne T.Erǵaliev tirkeýden alyndy» dep jazdy Marat Sembekov Facebook paraqshasynda.
Onyń aitýynsha, praimeriz barysynda 30-dan astam partiia múshesine partiialyq shara qoldanylǵan.
«Kandidattarǵa úgit-nasihat júrgizý alańdaryn usynbaǵany úshin Almaty qalasy Bostandyq aýdanynyń ákimi A.E. Rahimbetovke sógis jariialandy, Almaty qalasy Bostandyq jáne Áýezov aýdandyq filialdary tóraǵalarynyń birinshi orynbasarlary B.M.Djambylov pen N.A. Ordabaevaǵa, sonymen birge Nur-Sultan qalasy Esil aýdandyq filialy tóraǵasynyń birinshi orynbasary M.K.Qasymovqa eskertý berildi. Kandidattardyń mektepterde jáne basqa da memlekettik mekemelerde úgit-nasihat júrgizýine jol bermeý boiynsha sharalar qabyldandy. Almaty qalasynda úgit-nasihat materialdaryn jabystyrý jáne Atyraý oblysynda memlekettik jaýapty tulǵanyń sýretin onyń ruqsatynsyz paidalaný faktileriniń joly kesildi. Aqmola jáne Qaraǵandy oblystarynda 480 partiia múshesiniń bir telefon nómirimen tirkeý faktisi toqtatyldy» deidi partiia hatshysy.
Sondai-aq Taraz qalasynda naqty kandidattarǵa daýys berý úshin SMS-kodty anyqtaý maqsatynda partiia múshelerine qońyraý shalǵan esep komissiiasy múshelerine partiialyq jazalaý sharasy qoldanylǵan.
Qazir Partiialyq baqylaý komitetine jáne onyń aimaqtardaǵy komissiialaryna daýys berý kezindegi tártip buzý faktileri jóninde shaǵymdar túsip jatyr. Barlyq aryz boiynsha jedel tekseris ótkizilip, tiisti sharalar qabyldanýda.
«Jalpy, Elbasynyń tapsyrmasyna sáikes Partiialyq baqylaý komitetiniń halyq kóterip jatqan rezonansty máselelerge jedel áreket etý, sonymen birge partiia músheleriniń Jarǵyny, Ádep kodeksin jáne partiianyń basqa da baǵdarlamalyq qujattaryn saqtaýyn monitoringileý boiynsha jumys kúsheitildi. Partiialyq baqylaý komitetiniń osy baǵyttaǵy jumysy júieli túrde jalǵastyrylyp, BAQ pen áleýmettik jelilerde keńinen jariialanady» dep atap ótti Marat Sembekov.
