Foto: caravan.kz
Men bizdiń Qazaqstanda úsh millionǵa jýyq orys etnosy bar degenge senbeimin!
Nege deisiz ǵoi, óitkeni soltústik oblystar men Pavlodar jaǵyn óte jaqsy bilemin. Osy soltústikte on jeti jylǵa jýyq qyzmet etkendikten, bul jaqtaǵy árbir aýdan men eldimekenniń qansha turǵyny bar ekenin jatqa aita alamyn desem artyq ketkendik emes.
Osy óńirlerdegi okrýgterde on-on bes, eń kóp degende jiyrma shaqty ǵana otbasy turady. Bulardyń jartysy qazaqtar bolsa, qalǵandary slavian jurttary.
Elimiz 1991 jyly óz táýelsizdigin alǵan kezden bastap, on jyldyń aralyǵynda etnikalyq orystardyń 99 paiyzy artynan jaý qýǵandai, tik kóterilip, ózderiniń tarihi otanyna kóship ketti.
Nemister de solai. Kezinde júkterin tieýge konteiner jetispei, osy eki ult perronda qyzyl keńirdek bolyp, tóbeles shyǵaryp jatatyn. Men muny sol jaqta júrgenimde talai kórip júrdim. Aýyldardyń jartysynan kóbi, qańyrap, bos qaldy. Árbir kóshede eki-ýsh otbasydan qalǵan bolatyn. Osy jaqtaǵy aýdandardyń turǵyndary 15-20 myńnan aspaidy.
Bulardyń jartysy qazaqtar. Endi, oilap qarańyz: Ár aýdannyń turǵyndarynyń sany osy mólsherde. Ońtústik jáne Batys oblystarmen salystyrýǵa múlde kelmeidi. Mysaly: Esil, Atbasar aýdandaryn qosyp, bir aýdan qylýǵa ábden bolady.
Aitarym - soltústik oblystarda orystardyń, iaǵni slaviandardyń sany burynǵydai emes, qatty kemip ketken. Aqmola, Qostanai, Soltústik Qazaqstan, Pavlodar aýmaqtarynda turatyn orystardyń sany kóp degende, bir millionǵa áreń jetýi múmkin. Sonda deimin-aý, elimizde qaidan alynǵan úsh millionǵa jýyq orys bar degen esep?.. Men buǵan senbeimin!
