London turǵyny Pablo Pikassonyń 1944 jylǵy «Áiel músini» atty kartinasyn búldirgeni úshin bir jarym jyl túrmede otyrady. Bul týraly "Ult aqparat" Bi-bi-si agenttigine silteme jasap habarlaidy.
Vandal 2019 jyldyń 28 jeltoqsanynda Londondaǵy Teit Modern galereiasyna qoiylǵan kartinany búldirgen. Er adam tanymal sýretshiniń týyndysyn baspaly qulyppen birneshe ret urǵylap, odan keiin kartinany sheship alyp, jerge laqtyrǵan. Bul oqiǵadan keiin kórme uiymdastyrýshylary týyndyny kórsetilimnen alyp tastaýǵa májbúr boldy.
Kartinany búldirgen 20 jastaǵy Shakil Messi aiyptaldy. Sarapshylardyń baǵalaýynsha, óner týyndysyna keltirilgen shyǵyn kólemi £20 mln qurap otyr. Ony qalpyna keltirýge £350 jumsalyp, 18 ai ýaqyt qajet bolady.
Pikasso «Áiel músinin» 1944 jyly, Parijde natsistik okkýpatsiianyń sońǵy kúnderinde salyp bitirgen.
