Foto: www.bbc.com
Pablo Pikassonyń 1932 jylǵy «Saǵat taqqan áiel» atty úzdik týyndylarynyń biri 139 million AQSh dollaryna satyldy, dep habarlaidy Kazinform agenttigi VVS-ge silteme jasap.
Sotheby's dereginshe, Femme a la Montre («Saǵat taqqan áiel») kartinasy biyl aýktsionda satylǵan eń qymbat jumys boldy. Sýrette onyń kóptegen kartinasynyń keiipkeri bolǵan frantsýz modeli Mariia-Tereza Valter beinelengen.
Aýktsionǵa shyǵarmas buryn sýret 120 million AQSh dollaryna baǵalandy. Buǵan deiin kartinany óner týyndylary kollektsiiasyn jinaýshy marqum Emili Fisher Landaý 1968 jyly satyp alǵan. Keiinirek ol aty-jóni qupiia adamǵa tiesili boldy.
Pikassonyń aýktsionda satylǵan eń qymbat kartinasy «Aljir áielderi» dep atalady. Ol 2015 jyly Christie’s aýktsionynda 179,3 million AQSh dollaryna satyldy. Al «Saǵat taqqan áiel» baǵasy jaǵynan sýretshiniń ekinshi qymbat kartinasy boldy.
