2021 jyly PhD doktorantýraǵa qabyldaý tártibi elektrondy formatqa aýystyrylady. Bul týraly búgin QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
«Biz magistratýraǵa qabyldaýdy jańa formatta ótkizdik. Bul da kóp máseleni sheship berdi dep aita alamyz. Kelesi jyly PhD doktorantýraǵa qabyldaý tártibin de elektrondy formatqa aýystyrýdyń daiyndyq jumystary júrgizilip jatyr. Óitkeni, PhD-ǵa qabyldaý boiynsha áli de biraz problemalar bar. Ony biz bilemiz. Sondyqtan bul máseleni de sheshýimiz qajet», - dedi Ashat Aimaǵambetov ministrliktiń apparat jinalysynda.
Sonymen qatar ol ustazdardy, oqytýshylardy jumysqa alý protsedýrasyn tiisti deńgeige jetkizý, tsifrlandyrý usynstarynyń oryndy ekendigin basa aitty.
