Foto: ashyq derekkóz
Qazaqstan Respýblikasynyń Sport jáne týrizm ministrligi pornojuldyzdyń elordadaǵy kibersport týrnirine shaqyrylýyna bailanysty jariialanymdarǵa jaýap berdi, dep habarlaidy Ult.kz.
10-18 mamyr aralyǵynda Astanada PGL Major Astana 2025 halyqaralyq jarysy ótýde. Is-sharaǵa pornoaktrisa Eva Elfi (naǵyz aty – Iýliia Romanova) shaqyrylǵan. Muny aktrisanyń ózi de áleýmettik jelide habarlady.
Áleýmettik jeli qoldanýshylary Qazaqstanǵa pornojuldyzdy shaqyrǵan sheneýnikterge narazylyqtaryn bildirdi.
Sport jáne týrizm ministrligi tek jalpy sporttyq úderisti baqylaý, tehnikalyq talaptardyń saqtalýyn jáne eldegi halyqaralyq sporttyq týrnirlerdiń qaýipsiz ári zań sheńberinde ótýin qadaǵalaýdy qamtamasyz etetinin atap ótti.
"Atalǵan kibersporttyq týrnirdi Týrizm jáne sport ministrligi uiymdastyrmaǵanyn resmi túrde málimdeimiz. Týrnirdi uiymdastyrý jáne ótkizý fýnktsiialaryn halyqaralyq táýelsiz kibersport uiymy — PGL Esports júzege asyrýda. Týrnirdi ótkizýge bailanysty sheshimder, onyń ishinde qonaqtar men arnaiy tulǵalardy shaqyrý – uiymdastyrýshylardyń derbes quzyretinde", - dep jazdy ministrliktiń baspasóz qyzmeti.
