Elordalyq qoǵamdyq densaýlyq saqtaý basqarmasynyń basshysy Timýr Muratov para berip, Pfizer vaktsinasyn saldyrý týraly suraqtarǵa jaýap berdi, dep habarlaidy QazAqparat.
«Pfizer-di kútetin jáne armandaityn adamdar bar ekeni túsinikti. Áielderdiń ótirik júktimin dep aitsa nemese para berý arqyly osy vaktsinany alýǵa áreket etse, qandai shara qabyldaisyzdar?», - dep suraq qoidy jýrnalister.
«Pfizer vaktsinasynyń ózin 12 jastan bastap jasóspirimderge jáne júkti áielderge qoldanýǵa bolady. Úshinshi trimestrdegi áiel óziniń júktiligin jasyra almaidy, bári anyq kórinip turady. Densaýlyq saqtaý ministrligi qansha adamdy vaktsinalaý týraly sheshim qabyldaǵannan keiin biz ony júzege asyrýǵa daiynbyz. Barlyq jumys ortalyqtandyrylyp, muzdatqysh qondyrǵylarmen qamtamasyz etiledi. Para berip vaktsina alý nusqasy da múmkin emes. Biz bárin zańnamalyq normada pysyqtaimyz», - dep túsindirdi Timýr Muratov Ortalyq kommýnikatsiialar qyzmetinde.
