Petropavlda bolǵan jarylysta kimderdiń zardap shegip, qaza tapqanyn politseiler jariia etti, dep habarlaidy "Ult aqparat".
Soltústik Qazaqstan oblysy politsiia departamenti baspasóz qyzmetiniń málimetinshe, gaz ballony Petropavldaǵy 5 qabatty jataqhananyń birinshi qabatynda ornalasqan «Qara jorǵa» dámhanasynda jarylǵan. Jarylys bolǵan kezde dámhanada ony jalǵa alýshy jigit, 3 jumysshy jáne 4 kelýshi, al kórshi ornalasqan «Versal» shashtarazynda 4 adam bolǵan. Jarylystyń arty órtke ulasyp, saldarynan dámhana ǵana emes, japsarlas úi-jai jáne jataqhananyń kórshi bólmeleri zaqymdandy.
Gaz ballonynyń jarylýynan dámhananyń 1999 jylǵy jumysshysy mert boldy. Onyń denesi órt sóndirilgennen keiin úiindiniń astynan shyǵaryldy. Al dámhanany jalǵa alǵan 1996 jyly týǵan er adam Petropavldaǵy qalalyq kópbeiindi aýrýhanada alǵan kúiikten qaitys boldy.
Jedel-tergeý toby oqiǵa ornynan, «Qara jorǵa» dámhanasynyń as úii bolǵan jerden jarylǵan 25 litrlik gaz ballonyn, gaz plitasynyń shlangisin jáne eki komforkasyn tapty.
PD bastyǵy Marat Tólebaevtyń aitýynsha, osy is boiynsha birqatar tiisti saraptamalar taǵaiyndaldy. Sonyń ishinde órt-tehnikalyq SQO saraptama da bar. Qylmystyq istiń tergelý barysy oblystyń bas politseii men prokýrorynyń baqylaýynda bolady.
Esterińizge salaiyq, 21 aqpan kúni Petropavldaǵy 5 qabatty turǵyn úidiń birinshi qabatynda ornalasqan dámhanada gaz ballony jarylyp, eki adam qaza tapty.
Osy oqiǵaǵa bailanysty qylmystyq is qozǵaldy.
Sondai-aq zardap shekkenderdiń úsheýiniń jaǵdaiy aýyr ekeni habarlandy.
SQO ákimi jarylystan zardap shekken páter ielerine kómek kórsetiletinin aitty.
