UQK departamenti Soltústik Qazaqstan oblysyndaǵy "Jumysshylardyń halyq keńesi" músheleriniń Qazaqstandy qabyldamaý jáne Qazaq KSR-ge oralý týraly málimdemesinen keiin tergeý bastady, - dep habarlaidy "Ult aqparat" Bas prokýratýranyń baspasóz qyzmetine silteme jasap.
"2023 jylǵy 30 naýryzda Soltústik Qazaqstan oblysy boiynsha Ulttyq qaýipsizdik komiteti departamenti áleýmettik jelilerde "Petropavl qalasy jumysshylarynyń halyq keńesi" ("Narodnyi sovet trýdiashihsia goroda Petropavlovsk") qurylǵany jónindegi beinerolikti ornalastyrý deregi boiynsha Qylmystyq kodekstiń 180-baby 2-bóligimen (BAQ paidalana otyryp adamdar tobymen separatizmdi nasihattaý) sotaldy tergep-tekserýdi bastady", - delingen habarlamada.
Osy kúni oblystyq Politsiia departamenti men Ulttyq qaýipsizdik komiteti departamentiniń tergeýshilerinen jedel-tergeý toby qurylǵan.
"Is boiynsha protsess prokýrorlary aiqyndaldy. Sotaldy tergep-tekserý sheńberinde jedel-tergeý is-sharalary, onyń ishinde tintý men alý júrgizilip jatyr, sondai-aq tiisti sot saraptamalary taǵaiyndaldy", - delingen habarlamada.
Qylmystyq-protsestik kodekstiń 201-babyna sáikes ózge derekter jariialanbaidy. Tergeý barysy Bas prokýratýranyń baqylaýynda.
Aita keteiik, buǵan deiin áleýmettik jelilerde keibir "belsendiler" Qazaq KSR-niń 1937 jylǵy Konstitýtsiiasy negizinde "Jumysshylardyń halyq keńesi" qurylǵanyn jariialaǵany týraly videolar men habarlamalar paida boldy. Sonymen qatar, videoda jinalǵandar Qazaqstan Respýblikasyn "korporatsiia" dep atap, túrli qastandyq teoriialaryn alǵa tartady.
