Petropavlda jolaýshy avtobýs júrgizýshisin qylǵyndyryp óltire jazdady. Oqiǵanyń videosy áleýmettik jelide tarady, - dep habarlaidy "Ult aqparat".
Ishki ister ministrliginiń resmi Telegram-arnasynyń málimetinshe, 8 sáýirde saǵat 19:30 shamasynda Petropavlda 5 "M" baǵytyndaǵy avtobýsta jolaýshy qajet aialdamany ótkizip alyp, jol aqysyn tólemesten avtobýstyń ortasyndaǵy esikten shyqpaq bolǵan.
Avtobýs Qizatov kóshesindegi aialdamada toqtap turǵan kezde er adam júrgizýshimen jáne basqa jolaýshymen janjaldasyp, buzaqylyq áreketterin jasaǵan.
"Bul derek boiynsha oblys ortalyǵynyń 67 jastaǵy turǵyny ustaldy.
QR QK 293-babynyń 1-bóligi “Buzaqylyq” boiynsha Sotqa deiingi tergep-tekserýlerdiń biryńǵai tizilimine engizildi.
Qazir tergeý júrgizilip, oqiǵanyń barlyq mán-jaiy anyqtalyp jatyr. Olardyń nátijeleri boiynsha túpkilikti protsessýaldyq sheshim qabyldanady" - delingen habarlamada.
