Petropavl syrtyndaǵy ainalma jolda jeńil kólik pen júk tiegishi bar traktor soqtyǵysyp, mashina júrgizýshisi oqiǵa ornynda kóz jumdy, dep habarlaidy QazAqparat.
Soltústik Qazaqstan oblysy politsiia departamenti baspasóz qyzmetiniń málimetinshe, 13 aqpan kúni saǵat 10.00 shamasynda Petropavl qalasy politsiia basqarmasyna «Barmalei» meiramhanasy men «Teplyi kanal» arasyndaǵy ainalma jolda VAZ-2114 avtokóligi men júk tiegishi bar SEM traktorynyń soqtyǵysqany týraly habarlama kelip tústi.
Jol-kólik oqiǵasy saldarynan jeńil kóliktiń 1984 jyly týǵan júrgizýshisi oqiǵa ornynda kóz jumdy.
Bul fakti QR Qylmystyq kodeksiniń 345-baby 3-bóligi «Kólik quraldaryn basqaratyn adamdardyń jol júrisi nemese kólik quraldaryn paidalaný qaǵidalaryn buzýy» boiynsha Sotqa deiingi tergep-tekserýdiń biryńǵai tizilimine engizildi.
Sotqa deiingi tergeý aiasynda politseiler jol-kólik oqiǵasynyń mán-jaiy men sebepterin anyqtaýy qajet. Birqatar qajetti saraptamalar taǵaiyndaldy.
SQO joldarynda qańtar aiynda 15 jol-kólik oqiǵasy tirkelip, saldarynan 6 adam qaza taýyp, 20 adam jaraqattandy. Politsiia qyzmetkerleri jol qozǵalysynyń barlyq qatysýshylaryn Jol júrisi qaǵidalaryn qatań saqtaýǵa shaqyrady.
