Foto: Polisia.kz
SQO politseileri zańsyz dini qyzmetpen ainalysqan eki sheteldikti jaýapkershilikke tartty, - dep habarlaidy "Ult aqparat" Polisia.kz saityna silteme jasap.
SQO PD ekstremizmge qarsy is-qimyl basqarmasynyń qyzmetkerleri Resei Federatsiiasynyń eki azamaty júzege asyrǵan zańsyz dini qyzmetti toqtatty. Olardyń Qazaqstanda tirkelmegen dini uiymnyń izbasarlary ekeni anyqtalǵan. Olar 2022 jyldan bastap, oblysqa kelip júrgen ýaqyttan beri Petropavl turǵyndaryn óz uiymdarynyń ómirine tartyp, "jannyń tazarýy bolady" dep ýáde bergen. Osy uiymǵa adamdardy izbasarlar men messendjerler arqyly tartqan. Qylmyskerler – 42 jastaǵy er adam men 60 jastaǵy áiel Ia.Gashek kóshesindegi jaldamaly páterde ustalǵan.
Kúdiktilerge qatysty QR ÁQBtK-niń 489-baby 10-bóligi ("Qazaqstan Respýblikasynyń qoǵamdyq birlestikter týraly zańnamasyn buzý, sondai-aq Qazaqstan Respýblikasynyń zańnamasynda belgilengen tártippen tirkelmegen qoǵamdyq, dini birlestikterdiń qyzmetine basshylyq jasaý, qatysý, olardyń qyzmetin qarjylandyrý") boiynsha ákimshilik hattama toltyrylǵan.
"Osy baptyń 10-bóliginde tirkelmegen, sol siiaqty qyzmeti toqtatyla turǵan nemese oǵan tyiym salynǵan qoǵamdyq, dini birlestikterdiń qyzmetine qatysý týraly jazylǵan", – deidi SQO Politsiia departamenti bastyǵynyń orynbasary Rýslan Nazarov.
Bap sanktsiiasyna sáikes, bul úshin 50 AEK mólsherinde aiyppul salý kózdelgen. Bul uiym Resei Federatsiiasynda totalitarlyq dep tanylyp, onyń áreketine tyiym salynǵan. Qazirgi ýaqytta quqyq buzýshylardyń zańsyz áreketterin odan ári tekserý júrgizilip jatyr.
