فوتو: Polisia.kz
سقو پوليتسەيلەرٸ زاڭسىز دٸني قىزمەتپەن اينالىسقان ەكٸ شەتەلدٸكتٸ جاۋاپكەرشٸلٸككە تارتتى, - دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
سقو پد ەكسترەميزمگە قارسى ٸس-قيمىل باسقارماسىنىڭ قىزمەتكەرلەرٸ رەسەي فەدەراتسيياسىنىڭ ەكٸ ازاماتى جٷزەگە اسىرعان زاڭسىز دٸني قىزمەتتٸ توقتاتتى. ولاردىڭ قازاقستاندا تٸركەلمەگەن دٸني ۇيىمنىڭ ٸزباسارلارى ەكەنٸ انىقتالعان. ولار 2022 جىلدان باستاپ, وبلىسقا كەلٸپ جٷرگەن ۋاقىتتان بەرٸ پەتروپاۆل تۇرعىندارىن ٶز ۇيىمدارىنىڭ ٶمٸرٸنە تارتىپ, "جاننىڭ تازارۋى بولادى" دەپ ۋەدە بەرگەن. وسى ۇيىمعا ادامداردى ٸزباسارلار مەن مەسسەندجەرلەر ارقىلى تارتقان. قىلمىسكەرلەر – 42 جاستاعى ەر ادام مەن 60 جاستاعى ەيەل يا.گاشەك كٶشەسٸندەگٸ جالدامالى پەتەردە ۇستالعان.
كٷدٸكتٸلەرگە قاتىستى قر ەقبتك-نٸڭ 489-بابى 10-بٶلٸگٸ ("قازاقستان رەسپۋبليكاسىنىڭ قوعامدىق بiرلەستiكتەر تۋرالى زاڭناماسىن بۇزۋ, سونداي-اق قازاقستان رەسپۋبليكاسىنىڭ زاڭناماسىندا بەلگٸلەنگەن تەرتٸپپەن تٸركەلمەگەن قوعامدىق, دiني بiرلەستiكتەردiڭ قىزمەتٸنە باسشىلىق جاساۋ, قاتىسۋ, ولاردىڭ قىزمەتiن قارجىلاندىرۋ") بويىنشا ەكٸمشٸلٸك حاتتاما تولتىرىلعان.
"وسى باپتىڭ 10-بٶلٸگٸندە تiركەلمەگەن, سول سيياقتى قىزمەتi توقتاتىلا تۇرعان نەمەسە وعان تىيىم سالىنعان قوعامدىق, دiني بiرلەستiكتەردiڭ قىزمەتiنە قاتىسۋ تۋرالى جازىلعان", – دەيدٸ سقو پوليتسييا دەپارتامەنتٸ باستىعىنىڭ ورىنباسارى رۋسلان نازاروۆ.
باپ سانكتسيياسىنا سەيكەس, بۇل ٷشٸن 50 اەك مٶلشەرiندە ايىپپۇل سالۋ كٶزدەلگەن. بۇل ۇيىم رەسەي فەدەراتسيياسىندا توتاليتارلىق دەپ تانىلىپ, ونىڭ ەرەكەتٸنە تىيىم سالىنعان. قازٸرگٸ ۋاقىتتا قۇقىق بۇزۋشىلاردىڭ زاڭسىز ەرەكەتتەرٸن ودان ەرٸ تەكسەرۋ جٷرگٸزٸلٸپ جاتىر.
